महिला उद्घोषक बाटले
सुनतो लोग मन के जुहार!
· आकाषवाणी चो बिषेष प्रसारण ‘रमन चो गोठ’ ने आमी, सपाय सुनतो लोग मन चो हार्दिक स्वागत करूंसे, अभिनंदन करूंसे। कार्यक्रम चो बाइसवीकड़ी चो काजे आकाषवाणी चो स्टुडियों ने माननीय मुख्यमंत्री साहेब अमरलासोत।?
· डॉक्टर साहेब जुहार, खुबे-खुबे स्वागत आय, आपन चो येई कार्यक्रम ने ।
मुख्यमंत्री जी
· धन्यवाद आपनचो अउर आपलो रेडियों आरू टी.वी. चो पूरे बसुन मोके सुनतो लोग मन चो बले।
· सपाय संगी-जहुरिया, सियान-जुवान, माय-बहिन मन के जय जुहार।
पुरूष उद्घोषक बाटले
· डॉक्टर साहेब गेलो महिना आपन लोक सुराज अभियान चो बारे ने आपलो खुबे असन अनुभव सुनाउ रलास। अभियान सरलो पाटकुति कसन परकार चो तस्वीर बनली, एचो बारे ने आपलो बिचार सुनतो लोग मन संगे साझा करूक चाहासे काय?
मुख्यमंत्री साहेब
· लोक सुराज अभियान 2017 के सबले बड़े सोषल आॅडिट चो रूप ने सुरता करा जायदे।
· कुल मिलाउन 26 फरवरी ले 20 मई तक ले एई अभियान 84 दिन, 2 हजार 16 घण्टा तक ले सरलगा चलते रली। एई भितरे कुल 28 लाख 54 हजार 360 आवेदन ईली, जेचो ले गांवली क्षेत्र ने 25 लाख 86 हजार 569, शहर क्षेत्र ने 2 लाख 59 हजार 594 आरू आॅनलाईन 8 हजार 197 आवेदन रली।
· एई आवेदन मन चो निराकरण चो बले कीर्तिमान बनली। 93 प्रतिषत अनेकि 26 लाख 55 हजार 833 आवेदन मन चो निराकरण करा गेली।
· अभियान ने एकाएक निरीक्षण/अवलोकन/समाधान षिविर मनचो मौका ने मै 10 हजार 757 किलो मीटर चो यात्रा पूरा करले।
· मै खुदे 21 समाधान षिविर मन ने उपस्थित होले, 16 ठान मन ने एकाएक जांच करलें, 18 ठान मन ने समीक्षा बैठक करले अउर 17 शहर मन ने विश्राम करले। जम्माय अभियान चो भीतरे मै 185 संगठन मन आरू 54 सौ जनप्रतिनिधि मन ले भेंट करले।
· लोक सुराज अभियान ले एई पता चलली कि प्रदेष ने लोग मन के सबले जादा अपेक्षा कोन विभाग ले आसे आरू कोन परकार चो समस्या मन आरू मांग मन उभरून ईलासोत।
· सबले जादा आवेदन प्रधानमंत्री आवास योजना आरू प्रधानमंत्री उज्ज्वला योजना चो काजे मिरला सोत। एई योजना मन चो उपरे जबरदस्ता उत्साह आसे।
· कोचिया बंदी के नेउन गांव मन ने खुबे सकरात्मक वातावरण आसे।
· 98 प्रतिषत गांव मन ने शराब चो दुकान मन नीआत।
· नुआॅ शराब नीति चो कारण ने प्रदेष ने सड़क दुर्घटना मन चो संख्या ने 27 प्रतिषत तक ले गिरावट ईलीसे ।
· बड़े संख्या ने राषन कार्ड बनाया गेली।
· सपाय स्कूल पीला मन के जाति प्रमाण-पत्र बंटवारा करून दिया गेलिसे।
· जिला मन ने अवलोकन चो भीतरे एई गोठ उभरू भाते ईली कि प्रदेष ने संस्थागत जचकि ने शानदार बाढ़ती दरज होलीसे।
· लो सुराज अभियान चो चलते 187 घोषणा मन करा गेली आरू 243 निर्देष जारी करा गेली। ए मन ले 145 प्रकरर्णो उपरे अमल पूरा होउन गेली आरू 285 प्रकरण मन चो निराकरण चो कारवाही चले से।
· हमन मन नंगत काम नी करतो बिता मन के सजा करलू से। आरू नंगत काम करतो बिता मन के सहरालु से। 300 लें आगर अधिकारी मन आरू कर्मचारी मन के नोटिस जारी करा गेलीसे। हुताय दुसर बाटे शहरी जनपद पंचायत चो प्रभारी मुख्य कार्य पालन अधिकारी के सेवानिवृत्ति चो पाटकुति 1 साल चो संविदा नियुक्ति दिया गेली।
· एई अभियान ले जे डेटा बैंक बनलिसे, हुन एतो योजना मन बनातो चो काम एयदे। एक हार फेर येई साबित होली कि लोक सुराज अभियान, अच्छा शासन चो स्कूल आय।
महिला उद्घोषक
· मुख्यमंत्री साहेब, गेलो महिना आपन 10वीं, 12वीं चो नंगत नतिजा मन चो चर्चा करून रलास आरू पीला मन के सम्बोधित बले करून रलास। हाल ए ने संघ लोक सेवा आयोग चो नतीजा मन ने छत्तीसगढ़ चो जुवान मन चो खुबे नंगत प्रदर्षन दखा दीलीसे। एई राज चो योजनाबद्ध कार्यप्रणाली चो परिणाम आय की जुवान मन चो आपलो मेहनत आरू प्रतिभा ?
मुख्यमंत्री साहेब
· निष्चित तौर ने संघ लोक सेवा आयोग आनेकि यु.पी.एस.सी. चो परीक्षा खुबे प्रतिष्ठाबिती होउआय। एई परीक्षा ले देष के प्रषासनिक नेता मिरूआत। एता ले भारतीय प्रषासनिक सेवा चो अनेक बड़े पद मन चो काजे चयन होउआय।
· सबले पहिल तो मै हुन सपाय दर्जन भर प्रतिभाषाली जुवान मन के बधाई देयेंसे, जोन मन मेरिट ने आपलो जगा बनालासोत। मोचो शुभकामना मन आसोत कि यु.पी.एस.सी. ने चयनित सपाय जुवान मन के आपलो केरियर ने बले शानदार सफलता मिरो। हुन मन जहॉ बले काम करोत, छत्तीसगढ़ चो नाव रोषन करोत।
· मै आजि विषेष तौर ले दक्षिण बस्तर चो दूरिया जिला दन्तेवाड़ा चो गीदम ने पललो-बाड़लो बेटी नम्रता जैन चो अभिनंदन करूक चाहेंसे, जे की छत्तीसगढ़ ने सबले खुबे नम्बर पावलासोत आरू चयन सूची ने पहिल सैकड़ा ने शामिल आसोत।
· नम्रता बेटी आपलो लगन, मेहनत, प्रतिभा ले एई मुकाम हासिल करली से आरू आमन मन चो खुबे बढ़े सपना पूरा करली सेे। दक्षिण बस्तर के नेउन खुबे चर्चा मनचो मंजारे नम्रता एई साबित करलीसे कि दक्षिण बस्तर चो बेटी आई.ए.एस. होएक सकुआय, कलेक्टर बनुक सकुआय। अउर हुन गोटोक अदभुत चेतना चो संचार बस्तर चो संगे-संगे गुलाय प्रदेष ने करली से।
· नम्रता चो आया-बाबा आरू हुनचो परिवार बधई चो पात्र आत, जोन मन हुन के नंगत संस्कार आरू आत्मविष्वास दिला। दन्तेवाड़ा चो स्कूल ”निर्मल निकेतन” के बले साधुवाद, कि हुन बले आपलो गोटोक छात्रा के आसन परकार ले तियार करली, कि हुन अखिल भारतीय प्रतियोगिता ने मुकाबला करूक सको।
· नम्रता एई साबित करलीसे कि जहॉ चाह आसे, हुता राह निकरूआय।
· आमी अक्सर बलुआंव कि अबुझमाड़ हो की सुकमा, बीजापुर हो की दन्तेवाड़ा नहाले नारायणपुर, असन दुरिहा, दुर्गम अंचल मन ले पीला मन आई.आई.टी., एन.आई.टी. ने जासोत। आमचो गोठ के नम्रता आगे बढ़ालीसे।
· बस्तर ने आमचो संस्था मन कसन परकार खुबे नंगत काम करसोत, मोचो बले गोटोक उदाहरण एई मंजारले निकरून ईली। नम्रता जे मे साक्षात्कार चो तयारी चो काजे दिल्ली चो गोटोक संस्था अमरली तो हुनके हुता संगला कि दन्तेवाड़ा ने रहुन बले आपन , जिला प्रषासन चो पहल ले चलतो बिति संस्था ‘लक्ष्य’ चो मदद लेउक सकुआत। आरू हुनचो कहना मानुन नम्रता दन्तेवाड़ा ने रहुन भाति साक्षात्कार चो तयारी करली।
· एचोई काजे मै ‘लक्ष्य’ संस्था आरू दन्तेवाड़ा जिला चो अधिकारी मन के बले बधई देयेंसे कि हुन मन बले आपलो योगदान दीला आरू नम्रता चो तयारी कराला।
· असने परकार नम्रता आजी गोटोक ‘रोेल मॉडल’ बनुन गेली से, जे चो ले प्रदेष चो दुसर बेटी मन के, दुरिहा गांव मन आरू कठिन परिस्थति मन ले रहतो बिता पीला मन के प्रेरणा मिरेदे।
पुरूष उद्घोषक
· माननीय मुख्यमंत्री साहेब, यु.पी.एस.सी. ने चयनित जुवान मन के राज्य चो दुसर संस्था मन ले बले कोनी मदद मिरली से काय? काय काजे कि नम्रता चो अलावा बले 11 जुवान मन चो चयन होलीसे।
मुख्यमंत्री साहेब
· ये खुबे गौरव चो बिषय आय कि ये हार आमचो जुवान मन खुबे संख्या ने सफलता पावलासोत। डॉ. दीपक शुक्ला , अभिषेक अग्रवाल, अरिहन्त सिंगी, शषांक शेखर, चन्द्रकांत वर्मा, अजय अग्रवाल, नवीन सोनी, डॉ. गगनगिरि गोस्वामी, लालदास, आदिती पटेल, डॉ. पियुष लहरे ये जमाय छत्तीसगढ़ चो नुंआ सितारा मन आत। ये मन सपाय आपलो परिस्थिति मन ले संघर्ष कराला सोत आरू गोटोक मुकाम हासिल करलासोत। मै ये मन सपाय जुवान मन चो अभिनंदन करेंसे।
· आपन के एई जानुन भांति हरिक होयेदे कि यु.पी.एस.सी. ने सफल होतो बिता जुवान मन ने ‘छत्तीसगढ़ ट्रायवल युथ हॉस्टल’ नई दिल्ली ने रहुन पढ़तो बिता लालदास असल ने ग्राम परसाही, खैरागढ़ चो रहतो बिता आत, मानतर हुनचो बाबा श्री गणपत दास भिलाई स्टील प्लांट ने ठेका श्रमिक रला। लालदास नायाब तहसीलदार रते-रते परीक्षा चो तयारी करला। जेबे हुन नौकरी शुरूकरला तेबे आपलो बाबा के आपलो संगे नेउन ईला आरू एबे आया-बाबा चो संगेच रहसोत।
· डॉ. पीयुष लहरे डोगरगढ़ चो निवासी आत। हुनचो बाबा श्री पुरूषोत्तम दास बले ीिालाई स्अील प्लांट ने आॅपरेटर रला। पीयुष सामुदायिक स्वाास्थ्य केन्द्र , छुईखदान ने नौकरी करते-करते परीक्षा चो तयारी करला। आरू साक्षात्कार चो तयारी चो समयाने दिल्ली चो यूथ हॉस्टल ने रला।
· गगन गिरि गोस्वामी बले गंवली ठान आरू खेतिहर परिवार ले आत। हुनचो बाबा श्री नरेन्द्र गिरि गोस्वामी मुगेली जिला चो लोरमी निवासी आत।
· एचो अलावा दिल्ली ने ट्रायवल यूथ हॉस्टल ने रउनभांति तयारी करतो बिता 30 जुवान राज्य प्रषासनिक सेवा ने सफल होलासोत।
· उसन तो प्रतिभा कोनी सहारा चो मोहताज नी होय, मानतर आमचो प्रदेष चो जोन पीला मन चो आर्थिक स्थिति मजबुत नी आय उन मन नंगत प्रषिक्षण आरू सुविधा मन चो कमी चो कारण ने पिछड़ुन निजाओत, एकाजे आमी दिल्ली ने ‘उत्कर्ष’ चो नाव ले एक ट्रायवल हास्टल चलाउं से, जेथा प्रारंभिक परीक्षा, मुख्य परीक्षा आरू साक्षात्कार चो कोचिंग दिया जाउआय। जेथा कोचिंग, आवास, भोजन, जैसन सपाय सुविधा मन निःषुल्क दिया जाउआय।
· मोके एई सांगते खुबे हरिक होयसे कि जुवान मन आमचो सोच के सही साबित करून दखलासोत।
महिला उद्घोषक
· माननीय मुख्यमंत्री साहेब, 21 जून फेर एयेंसे। आमचो प्रधानमंत्री माननीय श्री नरेन्द्र मोदी साहेब चो प्रयास मन ले आमी योग के विष्व मंच उपरे प्रतिष्ठा दियातोने सफल होलुंसे। एई बरख तीसर अन्तर्राष्ट्रीय योग दिवस आय। एई मौका उपरे आपन आपलो सुनलो लोग मन के काय सांगुक चाहसे।
मुख्यमंत्री साहेब
· मै एई कार्यक्रम चो माध्यम ले माननीय प्रधानमंत्री श्री नरेन्द्र मोदी साहेब के एकहार फेर साधुवाद देयेंसे कि हुन मन आमचो योग के अन्तर्राष्ट्रीय गौरव चो बिषय बनाउन दिला।
· एई बरख आमी तीसर अन्तर्राष्ट्रीय योग दिवस मनाउंसे, जेके नेउंन माननीय मोदी साहेब एई आव्हान करला सोत कि एई तिसर विष्व योग दिवस के यादगार बनातो काजे गोटकि परिवार चो तीन पुरखा गोटकि संगे योग करोत।
· दादा-आई नाहले आजा-दीदी चो संगे आया-बाबा आरू पीला मन मिलुन भांति योग करोत तेबे असल ने तीन पुरखा गोटकि संग जुहदे।
· असन परकार आमी योग के सेहत चो संगे रिस्ता मन चो माध्यम बले बनाउंक सकुआंव।
· योग असल ने सुस्था रतो चो कला आय। योग खुदे के तरो ताजा आरू हरिक मन बनाउ राखतो चो जरिया आय। एचो ले आमी आपलो देह आरू मन के मन चो संगे विचार मन के बले जोडु आंव। आरू असने परकार आत्मा चो भीतर चो शुिद्ध बले करते जाउं आंव।
· सोचा कि नियम चो रूप ले योग करलो ले आपन चो परिवार, पीला मन तेजस्वी बनदे तेबे एचो कितलो फायदा होयदे।
· प्रिवेंटिव हेल्थ केयर ले गोटोक बाटे जहॉ आमी दवई मन चो उपरे होतो बिति खर्चा ले बाचु आंव। हुताय बीमारी ले होतो बिति सौ-सौ प्रकार चो नुकसान ले बले बाचुआंव।
· मोके हरित होय से कि छत्तीसगढ़ ने आमन मन स्कूल स्तर ले योग षिक्षा देतो चो व्यवस्था करलू से। योग के पाठ्यक्रम ने सामिल करलू से। योग के नेउन हरेक उमर, हरेक वर्ग चो लोग मन के जागरूक करा जायेसे। अउर शासकीय, अर्धषासकीय, स्वयंसेवी संगठन मन के अमन मन योग चो काजे काम करतो काजे प्रेरित करलूसे।
· 21 जून के अमचो राज ने योग चो बड़े भारी उत्साहजनक वातावरण दखादेयदें। मै अपन सपाय ले आपील करेंसे कि आपन जहॉ काहीं बले आसस योग जरूर करा। अउर 21 जून चो योग दिवस के शानदार सफलता दियावा।
· माननीय मोदी साहेब बलला सोद कि जीन पुरखा योग करते-करते आपनो फोटो छंतमदकतं डवकप।चच ने डलळवअ ने पठावा।
पुरूष उद्घोषक
· डॉ. साहेब, एई बरख नंगत मानसून चो भविष्यवाणी करा देलिसे। असल ने अच्छा मानसून किसान भाई-बहिन मन आरू हुन मन चो परिवार लोग मन चो काजे गोटोक वरदान चो असन चे आय। चमास चो मौसम उम्मीद मन चो मौसम होउ आय। हरिक चो बीजा रोपतो चो मौसम होउआय। काय तयारी आसे सरकार चो ?
माननीय मुख्यमंत्री साहेब
· माननीय प्रधानमंत्री श्री नरेन्द्र मोदी साहेब राष्ट्रीय स्तर उपरे पहिल हार गोटोक निर्धारित समया-सीमा ने किसान मन चो आमदनी दुईगुना करतो चो आव्हान करला सोत, जे चो तहत् छत्तीसगढ़ शासन बाटले गोटोक व्यापक कार्ययोजना बनाया गेलिसे अउर खेती चो तगति कम करतो, खेती चो उपज बढ़ातो चो खुबे केषिष करा जाय सोत।
· आमचो प्रदेष ने खरीफ मौसम ने चे सबले आगर खेती होउआय। नंगत मानसुन ले धान चो उपजन सबले आगर होउआय। परम्परागत रूपे ले खुबे करून किसान भाई धान चो उपज लेउआत।
· एई बरख खरीफ 2017 ने 48 लाख हेक्टेयर रकबा ने बुनता चो लक्ष्य रखा गेलिसे, जे चो ले 36 लाख 50 हजार हेक्टेयर ने धान बुना जायदे।
· लगभग 4 लाख हेक्टेयर ने दारबिति, 3 लाख हेक्टेयर ले आगर ने तेलबिति आरू लगभग डेढ़ लाख हेक्टेयर ने सागपान, डांडा असन आउर बले लगातो चो कार्यक्रम बनाया गेलिसे।
· असने परकार एई बरख अनाज दालबिति, तेलबिति, सागपान, मिलाउन 91 लाख 76 हजार मैट्रिक टन फसल चो उपजन अनुमानित आसे।
· मै अन्नदाता मन ले एई बलुक चाहेंसे कि आपन आपलो काम बिना कोनी चिंता चो करा। हमन मन हुन मन काजे सपाय व्यवस्था करून पकालू से।
· किसान मन चो मदद चो काजे 7 लाख 45 हजार क्विंटल बीज मन चो भण्डारण करा गेलिसे। असने परकार 10 लाख 65 हजार मैट्रिक टन खत चो इंतजाम बले करा देलिसे, ताकि किसान मन के खत आरू बीज समया ने मिरूक सको।
· आमी किसान मन के बिन ब्याज चो कम समया चो खेती कर्जा देउंसे। खरिफ मौसम चो काजे 3 हजार 200 करोड़ रू. चो कम समया चो खेती कर्जा बंटवारा करतो चो लक्ष्य रखा गेलिसे। असने परकार नंगत आरू खेती करतो सामान चो सहज व्यवस्था बले करा गेलिसे।
· एचो तहत् क्षेत्रवार माटी आरू जलवायु चो अनुरूप विषेष फसल के प्रोत्साहित करा जायसे।
· उदाहरण काजे सरगुजा संभाग ने जवाफुल, विष्णुभोग, लक्ष्मीभोग, टाऊ, रामतिल, कोदो, बस्तर संभाग ने बादषाह भोग, रेड राईस, छोटेधान चो फसल मन रामतिल आरू कुल्थी आरू मैदानी भाग ने दुबराज, विष्णुभोग, तुलसी मंजरी, लाल झुनगा आरू कुल्थी के प्रोत्साहित करा जायसे, ताकी नंगत किसम चो उपज होवो, जेके बजार ने आगर दाम मिरो।
· एई परकार माटी आरू जलवायु चो अनुसार जिलावार, क्षेत्रवार कार्य योजना बनाया गेलिसे।
· माटी चो जांच चो काजे अमन मन ‘मिटटी स्वास्थ्य प्रबंधन योजना’ चलालूसे। जेचो तहत् पहिल चरण में 40 लाख किसान मन चो खेती चो जमीन चो जांच करून ‘मिटटी स्वास्थ्य पत्र’ देउन दिया गेलिसे।
· मै किसान भाई मन ले अपिल करेंसे कि हरे दुई बरख ने आपलो बेड़ा मन चो माटी चो जांच कराओत अउर स्वास्थ्य पत्रक ने करालो अनुसंषा चो आधार उपरे खत आरू सुक्ष्म पोषक तत्व डारोत।
· भारत सरकार बाट ले जारी करा गेलो निर्देष चो अनुसार मिटटी स्वास्थ्य प्रबंधन योजना चो फायदा नेतो चो काजे आधार कार्ड के जरूरी करा देलिसे। एई काजे जोन किसान भाई मन एबे तक ले आपलो आधार कार्ड नी बनाला सोत, उन मन बनाउन पकाओत।
महिला उद्घोषक
· माननीय मुख्यमंत्री साहेब, प्रधानमंत्री फसल बीमा योजना चो फायदा लेतो चो काजे बले काय एबे ले तयारी शुरू करून देतोर चाइये? चमास चो संगे संक्रमण आरू बीमारी मन चो गोटोक बेरा बले एउआय। असन ले लोग मन के काय सावधानी राखतोर चाइये? अउर सरकार काय इंतजाम करलीसे?
माननीय मुख्यमंत्री साहेब
· माननीय प्रधानमंत्री श्री नेरन्द मोदी साहेब किसान मन चो काजे जे फसल बीमा योजना लागू करलासोत, हुन सिरफ पानी नी मारतो चो संबंध ने नू आय, हुन चो खुबे बड़े दायरा आसे। बेड़ा मन उपरे उबा रलो नाहले कोठार मन ने संगालो फसल के आईग, पानी आरू दुसर परकार ले सुरक्षा देतो चो काजे बले एई योजना गोटोक वरदान आय।
· एई योजना ने नाममात्र चो दर 2 प्रतिषत प्रिमियम देउन चे पूरा फसल चो बीमा करा जाउआय।
· प्रदेष ने धान सिंर्चाइ बिति, धान बिन सिंचाई बिति, जोंदरा, सोयाबिन, मूंगफली, कांदुल, मूंग, उड़ीद, बगिचा बिति फसल के बीमा चो दायरा ने आनलोर होलीसे।
· कर्जा नेतो बिता किसान मन चो अलावा बिन कर्जा बिता किसान आनेकि जे किसान कर्जा नी नेउआत अउर जेचो ने भूंई-धारक आरू बटईबिता बले सामिल आसोत, सपाय के प्रधानमंत्री फसल बीमा चो फायदा दिया जायसे।
· गेलो बरख खरिफ आरू रवि फसल के मिलाउन भाति राज ने 16 लाख ने आगर किसान मन के एई योजना चो फायदा मिरली, जेचो काजे कुल 340 करोड़ रू. चो रकम प्रीमियम चो रूप ने सरकार बाटले दिया गेलि, जे ने केन्द्र आरू राज्य सरकार चो 50-50 प्रतिषत चो भागीदारी होउआय।
· एई बरख बले फसल बीमा योजना चो फायदा किसान मन के दियातो चो पूरा तयारी करा गेलिसे।
· कर्जा बिता किसान मन चो बीमा तो संबंधित बैंक ले होन जाउआय, मान्तर बिना कर्जा बिता किसान मन के आवेदन करूक पड़ुकआय। एई काजे बिना कर्जा बिता किसान भाई सावधानी राखते, समया ने आवेदन करूनदेओत।
· पूर असन कोनी बले परिस्थिति ले निपटतो चो काजे समुचित व्यवस्था करा गेलिसे। राज्य आपदा प्रबंधन बल के सतर्क करून दिया गेलिसे। भिन-भिन जिला मन ने 72 डोंगा (बोट) दिसा गेलिसे। सपाय संभागीय मुख्यालय मन ने ‘आपदा प्रबंधन बल’ चो तैनाति करा गेलिसे, जे कोनी बले स्थिति ले निपटतो चो काजे जिला मन ने रलो अमला मन चो संगे समन्वय करदे। सपाय जिला मुख्यालय मन चो संगे चे राज्य स्तर ने नियंत्रण कक्ष बले सतर्क रहेदे।
· चमास चो मौसम ने होतो बिति संक्रमण ले बाचतो चो काजे स्वास्थ्य विभाग बाटले तयारी करा गेलिसे। एचो चलते पीउतो काजे उखरलो नाले दुसर तरीका ले साफ करलो पानी पीउतोर चाईये।
· आखि-पाखि चो ठान मन ले सफई राखतोरचे चाईय संगे-संगे आपलो देह उपरे बले धियान देतोर चईये। कोनी बले परकार ले असुस्ता होलो ले चांडे डॉक्टर मन चो सलाह नेतोर चाईये।
· प्रदेष चो सपाय सरकारी अस्पताल मन ने विषेष निर्देष दिया गेलिसे काय काजे की काहांय बले संक्रमक बीमारी फेलुक निसको।
· जहॉबले रेनवाटर हार्वेसिंग (बरसलो पानी जमा करतो चो उपाय) चो प्रणाली नी लगलिसे हुथा चांडे लगातो चईये आरू जहॉ लगलिसे, हुथा पहिल बारिष चो पानी ले छानी के घोलो चो पाठकुती एचो उपयोग सुनिष्चित कराजातो चाईये।
पुरूष उद्घोषक
· सुनतो लोग मन! आपन मन चो प्रतिक्रिया मन आमके आपलो चिठ्ठी, सोषल मिडिया-फेसबुक, ट्विटर चो संगे ैडै ले बले खुबे संख्या ने मिरसोत। येचो काजे आपन सपाय के खुबे-खुबे धन्यवाद।
· आगे बले आपन आपलो मोबाईल चो मेसेस बॉक्स ने त्ज्ञळ चो पाटकुति स्पेष नेउन आपलो बिचार लिखुन 7668-500-500 नम्बर ले पठाते रहा अउर संदेष चो आखिर ने आपलो नाव आरू पता लिखतो के नी भुलका।
माननीय मुख्यमंत्री साहेब
· सोषल मिडिया आरू चिठठी मन चो माध्यम ले खुबे असन सुनतो लोग मन आपलो प्रतिक्रिया दिलासोत अउर शादी-ब्याह उपरे होतो बिति खर्चा उपरे अंकुस लगातो चो समर्थन करला सोत।
· श्री सुरेष चंद्राकर लिखला सोत कि समृद्ध (धनी) आरू समर्थ (सकतो) लोग मन दिखावा बंद कर दे एबे समाज ने झटके असर होयदे।
· श्री खुबचंद पारख, डॉ. आसुतोष तिवारी, श्री महेन्द्र सिंह, डॉ. खेमराज सोनवानी ने जुवान मन के पूरे बढ़ुन शादी-ब्याह आरू दुसर सामाजिक - मांगलिक कार्यक्रम मन के सादा तरीका ले करतो चो गोठ सांगला सोत।
· श्री अवधेष दुबे भुंई चो जल स्तर कम होतो के थेबातो चो काजे रेनवाटर हार्वेटिंग चो काजे सरकार संगे समाज चो दुसर लो मन ले खुब्बे प्रयास करतो चो बिनती करलासोत।
· मै सपाय ले अपील करेंसे कि पानी आरू हरियाली चो काजे हरेक परकार ले होतो असन मदद करोत। चमास चो मौसम चो भरपुर उपयोग जल संवर्धन आरू रूख-राई लगातो ने करोत।
· मै आपन सपाय के सुरता दियातोर चाहेंदे कि जुलाई ले गुलाय छत्तीसगढ़ ने वृक्षारोपण चो गोटोक माह अभियान आमी चालातो बिता आवं। जहॉ गांव -गांव ने स्कूल मन ने आंगनबाड़ी मन ने खुला ठान मन ने मैदान मन ने आरू सपाय 27 जिला मन ने एई अभियान चलेदेे।
· जेने आमचो लक्ष्य आसे एई हार 8 करोड़ ले आगर बुता लगातो चो, आपन सपाय एचो काजे तियार रूहा। आमचो कोषिष आसे कि छत्तीसगढ़ के हरियर बनातो काजे आपन सपाय चो योगदान होवो। समूह ने जे वृक्षारोपण चो कार्यक्रम ने सम्मिलित होउआय, हुन सपाय के आगे ले चे हुनचो जानकारी जिला कलेक्टर के देतोर चाईये।
· एई अभियान के आमी 1 जुलाई ले चालु करून अगस्त चो दूसर हपता तक ले चलाउन दे। आपन सपाय चो सहयोग ले छत्तीसगढ़ चो आरू देया चो सबले बड़े वृक्षारोपण अभियान सफल होय दे। आमी 8 करोड़ बुटा लगातो चो लक्ष्य पूरा करूंदे आरू आपन सपाय चो सहयोग ले छत्तीसगढ़ के हरियर बनातो ले आमी सफल होउंदे।
· आपन सपाय के धन्यवाद।
महिला उद्घोषक बाटले
· अउर सुनतो लोग मन, येदाय बारी आय क्विज चो।
तेरा नम्बर चो क्विज चो सवाल रली-
· बरख 2017 के पं. दीनदयाल उपाध्याय साहेब चो कोन बिति बरख मनाया जायसे?
· येचो सही जवाब आय (ठ) शताब्दी बरख
· सबले झटके जोन 5 सुनतो लोग मन सही जवाब पठालासोत, हुन मन चो नाव आय-
01- श्री अंकित जासवाल, सहसपुर लोहारा, जिला कबीरधाम
02- श्री प्रीतमदास, पंचषील नगर, रायपुर
03- श्री अजय प्रधान, सरायपल्ली, जिला गरियाबंद
04- श्री यषवंत जायसवाल, सीपत, जिला बिलासपुर
05- कुमरी गरिमा, पुरानीबस्ती, रायपुर
पुरूष उद्घोषक द्वारा
· अउर सुनतो लोग मन येदाय समया आय चाउदा नम्बर चो क्विज चो, जेचो सवाल आय-
· पहिल अंतर्राष्ट्रीय योग दिवस केबे मनाया गेली?
· येचो सही जवाब (।) सन् 2015
(ठ) सन् 2016
ये मन ले कोनी गोटोक आय।
· आपलो जवाब देतो चो काजे, आपलो मोबाईल चो मेसेस बॉक्स ने फ। लिखा आरू स्पेष देउंन । नहाले ठ जे बले आपन के नंगद लागेदे, हुन गोटोक अक्षर लिखुन 7668-500-500 नम्बर ले पठाउंन दिया। संगने आपलो नॉव आरू पता जरूर लिखा।
· आपन सपाय रमन चो गोठ सुनते रहा अउर आपलो प्रतिक्रिया मन ले आमके जनाते रहा। येचोय संगे आज चो गोठ के आमी येताय सारूंसे। येतो गोठ ने 9 जुलाई के होयदे आपन ले फेर भेटघाट। तेबे-तक चो काजे आमके दिया इजाजत। जुहार।
-0000-
